Sotuvchi shartlari (hamkor ofertasi)

Tahrir sanasi: 2026-yil 20-oktabr.

1. Umumiy qoidalar

1.1. Ushbu hujjat Kitobchi elektron savdo maydonchasida (Platforma) tovar sotuvchi tadbirkorlik subyektlari (Sotuvchi) uchun ommaviy oferta hisoblanadi va Sotuvchi bilan Platforma operatori — yakka tartibdagi tadbirkor Turdaliyev Abbos Erkin oʻgʻli (Operator) oʻrtasidagi munosabatlarni tartibga soladi.

1.2. Sotuvchi kabinetida roʻyxatdan oʻtish, doʻkon yaratish yoki tovar joylashtirish ushbu shartlarning toʻliq qabul qilinishi hisoblanadi. Tomonlar oʻrtasida alohida yozma shartnoma tuzilgan boʻlsa, uning shartlari ustuvor hisoblanadi.

1.3. Sotuvchi Oʻzbekiston Respublikasida roʻyxatdan oʻtgan yakka tartibdagi tadbirkor yoki yuridik shaxs boʻlishi, toʻgʻri rekvizitlar va hujjatlarni taqdim etishi shart.

2. Operatorning xizmatlari

  • Sotuvchi kabineti, katalog va tovar kartochkalarini joylashtirish;
  • buyurtmalarni qabul qilish va Sotuvchiga uzatish;
  • toʻlovlarni qabul qilishni tashkil etish va hisob-kitob;
  • Platforma logistikasi (hub, kuryer, pochta) orqali yetkazib berishni muvofiqlashtirish — agar Sotuvchi ushbu modelni tanlagan boʻlsa;
  • Xaridor bilan muloqot vositalari va qoʻllab-quvvatlash.

3. Sotuvchining majburiyatlari

3.1. Sotuvchi tovarning qonuniyligi, sifati, xavfsizligi, xaridorga taqdim etilgan maʼlumotlarning toʻgʻriligi hamda intellektual mulk (mualliflik) huquqlariga rioya etilishi uchun toʻliq javobgar. Kontrafakt, “qaroqchi” nashrlar va ruxsatsiz nusxalarni sotish qatʼiyan taqiqlanadi.

3.2. Litsenziya yoki ruxsatnoma talab qilinadigan faoliyat turlarida Sotuvchi tegishli hujjatlarni Operator talabiga koʻra taqdim etadi.

3.3. Tovar kartochkasida quyidagilar boʻlishi shart: aniq nom, kamida qisqa tavsif, haqiqiy narx, toifa va haqiqiy rasm. Eʼlonlarda tashqi havolalar, telefon raqamlari va boshqa kontaktlarni koʻrsatish, Xaridorni Platformadan tashqarida bitim tuzishga undash taqiqlanadi.

3.4. Sotuvchi zaxira va narxlarni dolzarb holda saqlaydi, buyurtmani belgilangan muddatda tasdiqlaydi, yigʻadi va topshiradi. Asossiz bekor qilishlar Sotuvchi reytingiga taʼsir qiladi.

3.5. Sotuvchi Xaridorning “Isteʼmolchilarning huquqlarini himoya qilish toʻgʻrisida”gi Qonundan kelib chiqadigan talablarini (nuqsonli tovarni almashtirish, pulni qaytarish, sifatli tovarni almashtirish yoki qaytarish) Platformaning “Yetkazib berish va tovarni qaytarish tartibi”ga muvofiq bajaradi. Sotuvchi Xaridor talablarini bajarmagan taqdirda Operator ularni oʻzi bajarishi va xarajatlarni Sotuvchi balansidan ushlab qolishi mumkin.

3.6. Sotuvchi Xaridor maʼlumotlaridan faqat buyurtmani bajarish uchun foydalanadi, ularni uchinchi shaxslarga bermaydi va reklama maqsadida ishlatmaydi.

4. Taqiqlangan tovarlar

Quyidagilarni joylashtirish taqiqlanadi: qonunchilikda muomalasi taqiqlangan yoki cheklangan tovarlar; zoʻravonlik, terrorizm, ekstremizm, milliy, irqiy yoki diniy nafratni targʻib qiluvchi materiallar; pornografik mahsulotlar; kontrafakt va soxta tovarlar; xavfli tovarlar; Platforma qoidalariga zid boshqa tovarlar. Operator roʻyxatni toʻldirishi mumkin.

5. Moderatsiya

5.1. Tovar kartochkalari avtomatik tekshiruvdan (shu jumladan, sunʼiy intellekt yordamida) oʻtadi; aniq boʻlmagan holatlar xodim tomonidan koʻrib chiqiladi. Talablarga javob bermaydigan kartochka sabab koʻrsatilgan holda rad etiladi yoki yashiriladi.

5.2. Xaridor sharhlari Sotuvchi yoki Operator tomonidan tahrir qilinmaydi. Sotuvchi sharhga javob yozishi yoki qoidabuzarlik haqida shikoyat qilishi mumkin.

6. Komissiya va hisob-kitob

6.1. Operator har bir bajarilgan buyurtma uchun tovar qiymatidan foiz koʻrinishida komissiya oladi. Komissiya miqdori Sotuvchi kabinetida koʻrsatiladi; individual stavka yoki vaqtinchalik aksiya stavkasi belgilanishi mumkin. Buyurtmaga u yaratilgan sanadagi stavka qoʻllaniladi.

6.2. Buyurtma yakunlanganidan soʻng tushum (komissiya chegirilgan holda) Sotuvchi balansiga yoziladi va qaytarishlar uchun 14 kun davomida ushlab turiladi, soʻngra yechib olish uchun ochiladi.

6.3. Balansdan yechib olishning minimal summasi — 100 000 soʻm. Toʻlov Sotuvchi koʻrsatgan bank hisobvaragʻiga amalga oshiriladi. Sotuvchi soliq majburiyatlarini mustaqil bajaradi.

6.4. Qaytarilgan yoki bekor qilingan buyurtmalar, Xaridorga qaytarilgan summalar, jarima va qoʻshimcha xizmatlar narxi Sotuvchi balansidan ushlab qolinishi mumkin.

7. Pullik xizmatlar

Sotuvchi premium obunasi va katalogdagi qoʻshimcha joylar kabi xizmatlar “Obuna va qoʻshimcha pullik xizmatlar shartlari”ga muvofiq taqdim etiladi.

8. Reyting va cheklovlar

8.1. Sotuvchi reytingi buyurtmalarni bajarish tezligi, bekor qilishlar, shikoyatlar va Xaridor baholari asosida hisoblanadi va qidiruvdagi koʻrinishga taʼsir qilishi mumkin.

8.2. Ushbu shartlar yoki qonunchilik buzilganda Operator tovarlarni yashirishi, doʻkonni sababi va muddati koʻrsatilgan holda vaqtincha yoki butunlay cheklashi, shubhali operatsiyalar boʻyicha toʻlovlarni tekshiruv tugaguncha toʻxtatib turishi mumkin.

9. Intellektual mulk va brend

Sotuvchi joylagan rasm va tavsiflarga boʻlgan huquqlarga ega ekanini kafolatlaydi va Operatorga ularni Platformada hamda uni targʻib qilishda ishlatishga noeksklyuziv huquq beradi. Kitobchi nomi va logotipidan Operatorning yozma roziligisiz foydalanish mumkin emas.

10. Javobgarlik

Sotuvchi Xaridorga, Operatorga yoki uchinchi shaxslarga tovar sifati, notoʻgʻri maʼlumot yoki huquqbuzarlik natijasida yetkazilgan zarar uchun javob beradi. Uchinchi shaxs yoki davlat organi tomonidan Operatorga Sotuvchi faoliyati sababli daʼvo qilinsa, Sotuvchi Operatorga yetkazilgan zararni qoplaydi.

11. Shartlarni oʻzgartirish va bekor qilish

11.1. Operator shartlarni oʻzgartirishi mumkin; muhim oʻzgarishlar (komissiya, hisob-kitob muddatlari) haqida kamida 7 kun oldin Sotuvchi kabineti orqali xabar beriladi.

11.2. Sotuvchi hamkorlikni istalgan vaqtda toʻxtatishi mumkin; bunda yakunlanmagan buyurtmalar bajarilishi va oʻzaro hisob-kitob yakunlanishi shart.

12. Nizolar va aloqa

Nizolar muzokara yoʻli bilan, kelishilmasa Oʻzbekiston Respublikasi qonunchiligiga muvofiq sudda hal etiladi.

Operator: YaTT Turdaliyev Abbos Erkin oʻgʻli, STIR 51503025990027, h/r 2021 8000 4071 9264 9001, “Trastbank” XAB Bosh ofisi, MFO 00491; tel.: +998 50 030 30 33; e-pochta: toordaliev@gmail.com.

Boshqa hujjatlar