Foydalanish shartlari (ommaviy oferta)
Tahrir sanasi: 2026-yil 20-oktabr. Ushbu tahrir eʼlon qilingan paytdan kuchga kiradi va avvalgi tahrirni bekor qiladi.
1. Umumiy qoidalar
1.1. Ushbu hujjat Kitobchi mobil ilovasi va kitobchi.com veb-sayti (keyingi oʻrinlarda — Platforma) orqali koʻrsatiladigan elektron savdo xizmatlaridan foydalanish shartlarini belgilaydi va Oʻzbekiston Respublikasi Fuqarolik kodeksiga muvofiq ommaviy oferta hisoblanadi.
1.2. Oferta Oʻzbekiston Respublikasining Fuqarolik kodeksi, “Elektron tijorat toʻgʻrisida”gi, “Isteʼmolchilarning huquqlarini himoya qilish toʻgʻrisida”gi, “Shaxsga doir maʼlumotlar toʻgʻrisida”gi, “Reklama toʻgʻrisida”gi qonunlari va boshqa amaldagi normativ-huquqiy hujjatlar asosida tuzilgan. Ushbu hujjat qoidalari qonunchilikka zid kelgan taqdirda qonunchilik qoidalari qoʻllaniladi.
1.3. Platformadan foydalanish quyidagi hujjatlar bilan birgalikda tartibga solinadi va ular Ofertaning ajralmas qismi hisoblanadi: Maxfiylik siyosati; Yetkazib berish va tovarni qaytarish tartibi; Toʻlov, chek va pulni qaytarish tartibi; Kitobchi nasiya xizmati shartlari; Obuna va qoʻshimcha pullik xizmatlar shartlari; Cookie siyosati; «Omadli maydon» oʻyini qoidalari; sotuvchilar uchun — Sotuvchi shartlari.
1.4. Xizmatlar faqat Oʻzbekiston Respublikasi hududida yetkazib berish bilan koʻrsatiladi.
2. Atamalar
- Operator — Platforma egasi va operatori: yakka tartibdagi tadbirkor Turdaliyev Abbos Erkin oʻgʻli (rekvizitlar 17-bo‘limda).
- Foydalanuvchi (Xaridor) — Platformada roʻyxatdan oʻtgan yoki undan foydalanayotgan jismoniy shaxs.
- Sotuvchi — Platformada oʻz nomidan tovar taklif qiluvchi tadbirkorlik subyekti (shu jumladan, oʻz tovarlarini sotgan holda Operatorning oʻzi).
- Tovar — Platformada taklif etiladigan kitoblar, kanselyariya va boshqa mahsulotlar.
- Buyurtma — Xaridorning Platforma orqali rasmiylashtirilgan tovar sotib olish toʻgʻrisidagi soʻrovi.
- Akkaunt — Foydalanuvchining telefon raqami bilan bogʻlangan shaxsiy kabineti.
- Keshbek — Platformaning sodiqlik dasturi doirasida hisoblanadigan va keyingi xaridlarda chegirma sifatida ishlatiladigan bonus summasi.
3. Ofertani qabul qilish (aksept)
3.1. Telefon raqami orqali roʻyxatdan oʻtish, tizimga kirish, buyurtma rasmiylashtirish yoki toʻlovni amalga oshirish Ofertaning toʻliq va soʻzsiz aksepti hisoblanadi.
3.2. Platformadan 16 yoshga toʻlgan shaxslar foydalanishi mumkin. 18 yoshga toʻlmagan shaxslar xaridlarni ota-onasi (qonuniy vakili) roziligi bilan amalga oshiradi; bunday rozilik mavjud deb hisoblanadi.
4. Operatorning maqomi
4.1. Operator elektron savdo maydonchasi (marketplace) operatori hisoblanadi: tovarlar haqida maʼlumot joylashtirish, buyurtma rasmiylashtirish, toʻlovlarni qabul qilishni tashkil etish, yetkazib berishni muvofiqlashtirish va Foydalanuvchilarni qoʻllab-quvvatlash uchun texnik imkoniyat yaratadi.
4.2. Sotuvchi tomonidan sotilgan tovar boʻyicha oldi-sotdi shartnomasi Xaridor va Sotuvchi oʻrtasida tuziladi. Sotuvchi tovarning sifati, tavsifi va qonuniyligi uchun javobgar. Sotuvchi Xaridorning qonuniy talablarini bajara olmagan taqdirda Operator qonunchilikda belgilangan doirada qoʻshimcha (subsidiar) javobgar boʻladi.
4.3. Tovarlarni saralash va tavsiya qilishda narx, mavjudlik, yetkazish muddati, reyting, Foydalanuvchining qiziqishlari va sotuvlar mashhurligi hisobga olinadi. Pullik reklama joylashuvlari “reklama” yoki shunga oʻxshash belgi bilan ajratiladi.
5. Roʻyxatdan oʻtish va akkaunt
5.1. Roʻyxatdan oʻtish telefon raqamiga SMS orqali yuboriladigan bir martalik kod yoki Telegram orqali amalga oshiriladi. Kodni boshqa shaxslarga bermang: kod orqali bajarilgan harakatlar akkaunt egasi tomonidan bajarilgan deb hisoblanadi.
5.2. Foydalanuvchi toʻgʻri va dolzarb maʼlumotlarni koʻrsatishi shart. Boshqa shaxs nomidan, soxta maʼlumotlar bilan yoki suiisteʼmol maqsadida bir nechta akkaunt ochish taqiqlanadi.
5.3. Foydalanuvchi akkauntiga ulangan qurilmalar roʻyxatini koʻrishi va ulardan chiqishi mumkin. Akkauntni oʻchirish soʻrovi qoʻllab-quvvatlash xizmati orqali qabul qilinadi va Maxfiylik siyosatida belgilangan tartibda bajariladi.
5.4. Ofertani, qonunchilikni yoki boshqa Foydalanuvchilar huquqlarini buzganlik, firibgarlik belgilari aniqlanganda Operator akkauntni sababini koʻrsatgan holda muddatli yoki muddatsiz cheklashi mumkin. Cheklov ustidan qoʻllab-quvvatlash xizmatiga eʼtiroz bildirish mumkin.
6. Tovar haqida maʼlumot va narx
6.1. Tovar tavsifi, rasmlari, narxi va mavjudligi Sotuvchi tomonidan joylashtiriladi va Operator tomonidan moderatsiya qilinadi. Tovar rasmi va rangi qurilma ekraniga qarab haqiqiydan biroz farq qilishi mumkin.
6.2. Narxlar Oʻzbekiston soʻmida koʻrsatiladi. Yetkazib berish, sovgʻa qadoqlash va boshqa qoʻshimcha xizmatlar narxi buyurtmani tasdiqlashdan oldin alohida koʻrsatiladi.
6.3. Narxda aniq texnik xato yuz bergan taqdirda (masalan, haqiqiy narxdan bir necha baravar past), Sotuvchi yoki Operator Xaridorni xabardor qilib buyurtmani bekor qilishi mumkin; toʻlangan mablagʻ toʻliq qaytariladi.
7. Buyurtma
7.1. Buyurtma tarkibi, narxi, yetkazib berish usuli, manzil va toʻlov usuli Xaridor tomonidan tasdiqlanganidan soʻng masofaviy oldi-sotdi shartnomasi tuzilgan hisoblanadi.
7.2. Buyurtma holati (qabul qilindi, yigʻilmoqda, yetkazilmoqda, topshirildi, bekor qilindi) ilovada va bildirishnomalar orqali koʻrsatiladi.
7.3. Xaridor buyurtmani ilovada belgilangan bosqichgacha bekor qilishi mumkin: naqd toʻlovli buyurtmalarni — yuborilgunga qadar; karta orqali toʻlangan (summasi bloklangan) buyurtmalarni — toʻlovdan keyingi 10 daqiqa ichida va buyurtma hali yuborilmagan boʻlsa. Bundan keyin bekor qilish qoʻllab-quvvatlash xizmati orqali koʻrib chiqiladi.
7.4. Bir soat ichida toʻlanmagan karta buyurtmalari avtomatik bekor qilinadi. Tovar zaxirada qolmagan taqdirda Sotuvchi buyurtmani (yoki uning bir qismini) bekor qilishi mumkin; bu holda toʻlangan summa qaytariladi.
8. Toʻlov
8.1. Toʻlov bank kartasi orqali (litsenziyalangan toʻlov tashkiloti — Paylov orqali), yetkazib berishda naqd pul bilan (agar shu buyurtma uchun ruxsat etilgan boʻlsa), keshbek, sovgʻa sertifikati yoki Kitobchi nasiya xizmati orqali amalga oshiriladi. Batafsil — “Toʻlov, chek va pulni qaytarish tartibi”da.
8.2. Karta orqali toʻlovda buyurtma summasi avval kartada bloklanadi va tovar topshirilganda yechib olinadi.
9. Yetkazib berish
9.1. Yetkazib berish usullari (kuryer, olib ketish punkti, pochta), muddati va narxi manzilga qarab buyurtma rasmiylashtirishda koʻrsatiladi. Batafsil — “Yetkazib berish va tovarni qaytarish tartibi”da.
10. Tovarni qaytarish va almashtirish
10.1. Xaridor “Isteʼmolchilarning huquqlarini himoya qilish toʻgʻrisida”gi Qonunda nazarda tutilgan barcha huquqlarga ega. Sifatli tovarni almashtirish yoki qaytarish, nuqsonli yoki notoʻgʻri tovar boʻyicha talablar “Yetkazib berish va tovarni qaytarish tartibi”da belgilangan tartibda koʻrib chiqiladi.
10.2. Ushbu Ofertadagi hech bir qoida isteʼmolchining qonun bilan kafolatlangan huquqlarini cheklash maqsadida talqin qilinmaydi.
11. Keshbek, promokod va sovgʻa sertifikatlari
11.1. Keshbek, promokodlar va sovgʻa sertifikatlari Operatorning ragʻbatlantirish vositalari boʻlib, faqat Platformadagi xaridlarda chegirma sifatida ishlatiladi, naqd pulga almashtirilmaydi va boshqa shaxsga sotilmaydi.
11.2. Ularning hisoblanish, ishlatish va amal qilish muddatlari “Toʻlov, chek va pulni qaytarish tartibi”da hamda ilovada koʻrsatiladi. Suiisteʼmol (soxta buyurtmalar, bir nechta akkaunt va h.k.) aniqlanganda ular bekor qilinishi mumkin.
12. Sharhlar va foydalanuvchi kontenti
12.1. Foydalanuvchi tovarga sharh, baho, Book Club postlari, izohlar va xabarlar qoldirishi mumkin. Haqiqiy sharhlar Operator tomonidan tahrir qilinmaydi; qonunchilikka yoki ushbu qoidalarga zid kontent (spam, haqorat, nafrat, firibgarlik, noqonuniy yoki shahvoniy material, xavfli havolalar, shaxsiy maʼlumotlarni oshkor qilish) yashirilishi yoki oʻchirilishi mumkin.
12.2. Moderatsiyada avtomatlashtirilgan vositalar (shu jumladan, sunʼiy intellekt) ishlatiladi; bahsli holatlar xodim tomonidan koʻrib chiqiladi. Takroriy qoidabuzarlikda Book Club’da post joylash imkoniyati vaqtincha cheklanadi.
12.3. Kontent joylash orqali Foydalanuvchi Operatorga uni Platformada va Platformani targʻib qilishda bepul, muddatsiz, noeksklyuziv tarzda foydalanish huquqini beradi va kontent uchinchi shaxslar huquqlarini buzmasligini kafolatlaydi.
13. Sunʼiy intellekt xizmatlari
Platformada sunʼiy intellekt asosidagi yordamchi (qoʻllab-quvvatlash chati), rasm boʻyicha qidiruv va shaxsiy tavsiyalar ishlaydi. Ularning javoblari maʼlumot xarakteriga ega va xato boʻlishi mumkin; buyurtma, toʻlov va qaytarish boʻyicha yakuniy shartlar ushbu hujjatlar va ilovadagi rasmiy maʼlumotlar bilan belgilanadi. Murakkab masalalar xodimga uzatiladi.
14. Taqiqlangan harakatlar
- firibgarlik, boshqa shaxsning kartasi yoki akkauntidan ruxsatsiz foydalanish;
- soxta buyurtmalar, sharhlar yoki baholar, aksiya va bonuslarni suiisteʼmol qilish;
- Platformadan tashqarida bitim tuzishga undash maqsadida kontakt maʼlumotlarini tarqatish;
- Platforma ishiga xalaqit beruvchi skript, bot, avtomatlashtirilgan soʻrovlar;
- Platforma kontentini (tavsiflar, rasmlar, maʼlumotlar bazasi) ruxsatsiz koʻchirish va tijorat maqsadida ishlatish;
- qonunchilikda taqiqlangan har qanday harakatlar.
15. Javobgarlik
15.1. Tomonlar oʻz majburiyatlarini bajarmagani uchun qonunchilikka muvofiq javob beradi.
15.2. Operator Platformaning uzluksiz ishlashini taʼminlashga harakat qiladi, biroq texnik ishlar, aloqa provayderlari yoki uchinchi shaxslar xizmatlaridagi uzilishlar natijasida yuzaga kelgan qisqa muddatli nosozliklar uchun, qonunda boshqacha belgilanmagan boʻlsa, javobgar emas.
15.3. Fors-major holatlari (tabiiy ofat, epidemiya, davlat organlari qarorlari, ommaviy uzilishlar) tomonlarni majburiyatlarni oʻz vaqtida bajarmaganlik uchun javobgarlikdan ozod qiladi.
16. Oferta oʻzgarishi va nizolar
16.1. Operator Ofertani oʻzgartirishi mumkin. Yangi tahrir Platformada eʼlon qilingan paytdan kuchga kiradi; rasmiylashtirilgan buyurtmalarga ular rasmiylashtirilgan paytdagi tahrir qoʻllaniladi.
16.2. Nizolar avvalo muzokara yoʻli bilan hal etiladi. Murojaatlar qoʻllab-quvvatlash xizmati yoki elektron pochta orqali qabul qilinadi va 10 ish kuni ichida koʻrib chiqiladi. Kelishuvga erishilmasa, nizo Oʻzbekiston Respublikasi qonunchiligiga muvofiq vakolatli sudda hal etiladi. Isteʼmolchi Raqobatni rivojlantirish va isteʼmolchilar huquqlarini himoya qilish qoʻmitasiga ham murojaat qilishi mumkin.
17. Operator rekvizitlari
Yakka tartibdagi tadbirkor Turdaliyev Abbos Erkin oʻgʻli
STIR: 51503025990027
H/r: 2021 8000 4071 9264 9001
Bank: “Trastbank” XAB Bosh ofisi, Toshkent sh., MFO: 00491
Telefon: +998 50 030 30 33
Elektron pochta: toordaliev@gmail.com
Qoʻllab-quvvatlash: ilova ichidagi chat, Telegram: @kitobchi_support